Azərbaycan Kuboku: "Qarabağ" "Keşlə"yə qalib gəldi
Azərbaycan Kuboku: "Qarabağ" "Keşlə"yə qalib gəldi
Futbol üzrə Azərbaycan Kubokunda 1/4 final mərhələsinə start verilib.
Xəbər verilir ki, günün ilk oyununda "Qarabağ" "Keşlə"ni qəbul edib.Tofiq Bəhramov adına Respublika Stadionundakı qarşılaşma Ağdam təmsilçisinin 1:0 hesablı qələbəsi ilə yekunlaşıb. Meydan sahiblərinin qolunu 56-cı dəqiqədə İbrahima Vadji vurub.
"Keşlə"nin heyətində yarımmüdafiəçilər Rafael Məhərrəmli 65-ci dəqiqədə, Fəhmin Muradbəyli isə 80-ci dəqiqədə zədələnib. Oların yerinə meydana müvafiq olaraq Elçin Mustafayev və Bahadur Həziyev daxil olublar.
Yeni transferlər - qapıçı Luka Quqeşaşvili, yarımmüdafiəçi Leandro Andrade və hücumçu Rüstəm Əhmədzadə ilk dəfə "köhlən atlar"ın heyətində rəsmi matçda debüt ediblər.
Komandalar arasında cavab qarşılaşması fevralın 12-də olacaq.
Qeyd edək ki, günün digər görüşündə "Neftçi" "Sabah"ı qəbul edəcək. Fevralın 2-də "Zirə" "Səbail"i, "Sumqayıt" isə "Qəbələ"ni qəbul edəcək
Azadsoz.com
